Akan Duh Lomi Nu Zeitindah An Lung Kan Thlen Khawh Hna Lai?

Minung nih kan duhmi/tinhmi kan ngah khawhnak dingah chim bikmi biafang cu "Never Give Up" ti asi. Tuluk ram arum bik chang asimi Jack Ma zong KFC rian sawktu minung 24 lakah amah lawng an rak hnawlmi asi ko nain atu ahcun KFC dawr hmanh angei kho dirhmun asi cang. American cartoon zukcawk serthiam minthang bik asimi Walt Disney zong, "The Kansas City Star Company" nih idea tha na ngei lo tiah arian an rak dinhter. Adang minthang, Hollywood zukcawl ser thiam bik Steven Spielberg zong "UCS's Cinema Arts School" nih voi ceilak te arak hnawl tibantuk...chim ahcun an tam tuk. Asinain, adonghnak bik suttung an phak khawhnak ah an i tlaihmi catlang tawite cu, "Never Give Up" tite asiko. Cunihcun, an itinhmi/nak hmun aphakter hna. 

Ka thinhan, ka lungdongh, ka ngaihchiat asiloah ka thinlung fah (duhmi ngah khawh lo, heart broken) caan ah ihkhan chung ah muipadap lak hla ngaihnak in kai hnem tawn. Asinain, ka ngaihchiatnak, ka lungretheihnak le ka thilrit pawl chawng loin azualter chinchin. Mah le mah fahnak i pek duhnak ruahnak tiang achuahter theo. Cunihcun, ka sunghmi thil pawl ngah thannak lam aphih hleiah nifatin ka kar hlannak (life) ah impact faak ngaiin a tuah. Keimah le ka duhmi thil kar lakah ipehtlaihnak hri vialte achah dih.

Vawlei cung sciencetist minthang bik asi vemi Stephen Hawking hmanh nih nu pawl ruahnak/lungthin ahngalh khawh lo ahcun kannih pawl nih theih ding ahcun ahar khe teh! Afawi bik asimi, an duh lomi nu sinah dawtnak bia na chim lengmang ahcun, "An huat lai, tuk lai!" tihmanh hi naite lawngin ka theih. Na mui ai dawh pah locun kumno tuk ngakchia va sah hlah heiti pawl zong... Cucaah, kan halhmi nu nih akan duh lo zongah lungkuai phun in atha lomi thil (kan nunnak hrawktu) ding thil tuah lo kha abiapi tuk!

Asiahcun, zeitindah akan duh lomi "Nu" lungthin cu kan thlen kun lai? Kan innpawng wifi passward hmanh kan theih khawh lo ahcun wifi sertu hmanh nih atheih lomi nu lungthin thlen ding cu, cakei! Asinain, na duhmi thil pakhat na ngahnak ding ahcun lam pahnih aum. Cucu lungsau tein hngah asiloah kal peng asi. An duh lo tukmi nu zong lungsau tein na hngah peng ahcun an duh khawh than ko. Cuvenbantukin, an hua tukmi nu zong dawtnak tak he hmailei na kal peng ahcun an dawt khawh ve thiam ko. (Lungsau timi ahhin aherh ahcun thiangthunh voithum nai thlen tiang zong sikho) LOL

"Ahohmanh nih minung lungthin athleng kho lo.

Asinain, ahopaoh nih minung lungthin athlen khawh."