Pa Nakin Nu Thil An Ti Kho Deuh Bang

 

• Vawlei cung scientist minthang bik Stephen Hawking a zawtnak ruangah, lungretheihnak, hnabeidonghnak le lungdonghnak in a khat. Culio ah, thazang ai laaknak hmun cu, "Jane" a nupi sin in a si. Jane he an i hmuh ri thawkin ruahchannak a ngei i, hmailei a nunnak lam ah dingteo tein ruahchannak angeimi sinak he a kal kho. 

• Stephen Hawking biahalnak pahra an tuahmi ah: "Kan hngalh khawh lo mi zong a hngal dih ding phun in mi nih kan in ruah hi na caah phurhrit hna a si maw dik?" tiah —Susan Leslie, BOSTON nih a hal.                                                                                                                 
• A lehmi cu:"Kan nun donharnak vialte kong a hngal thlu dingah kai ruat bal lo. Physics le mathematics nih hin van le vawlei zeitindah ai thawk tihna cu an kan fianh khawh men ko hnga, minung kan nunning hngalhnak tu ahcun ruah ding tampi a um caah zei ngai san an tlai lo kho ko. Minung kan nunnak kongkau tuak ah hin cun abikin nu kong hrimhrim ah cun zapi zaran nakin zei ngai kai hlei ve lo." tiah a ti. Nota: Fingrei Journal- Salai Tial Awi Thang nih lehmi 10 questions for Stephen Hawking chungin 

• Tulio UFC ah minthang bik Conor McGregor zong umnak ngei lo dirhmun in le apa nih arak hlawt lioah hnabeidong ngaiin le kekkuai ngaiin arak um. Asinain, Dee Devlin a nungak thawngin ai tinhmi chunmang ah teinak aco khawh ve. 

• Kawlram pumpi cu pumpululh bang, kum ceilakte lente bantukin ai celhtu Kanpu Sui zong, ahnulei in achak arak tlaitu taktak cu, "A nupi si," tiah kanpa le nih an ti theo. 

• Kan chim ahcun a tampi rih lai. A kephau tengh thawng nih Europe ram vialte ahnintu Napoleon zong nuthlawi nu tangah hnahchawlte bang ai phah ko tibantuk pawl...

Hivialte nihhin, Nu pawl an biapitnak le an thil ti khawhnak hi alanghter ngaingai. A luancia kum 100 leng ah kan kir asi ahcun, kan pupa hna nih nu pawl an rak hmuh ning hna le an rak zoh ning hna kan phungthlukin a lang ngai. Asinain, fak deuhin ka cal ka ngauter tikah, a puanpar te lawngin hlah maw asi tiah ka ruah. Angaingai ti ahcun, Pathian nih nu arak ser kaa rengreng hin, pa pawl thluakin teinak fimnak apek hna lai tiah ka ruah. Xeicahtiah, Eden dum chung rengreng in, "Pa cu nu nih rak teimi rengreng kha a si cang." Cucaahcun, nupi/nungak le nih ukmi pa kan si sual zongah lung lawm tein i lungsi ko hna usioh! A hram thok rengreng in nu pawl hi an rak dik deuh cang. 

Hmet law rak ngai ve: 3 mins