BTS VS LAIKHAL

2017, December thla ah BTS cu, twitter ah likes le retweeted angei tam bik an si. US president Donald Trump le Justin Bieber fonhnak in a tam deuh i, 503 millions (billion cheu) hrawng bak an si. Hi chung ahhin Laimi pawl hi zatceo nakin uak(tam) deuh dawh an si. Malaysia ummi nute la bang cu voi 206 reng lo ai nolh le twitter nih an 'block' an ti. 

BTS a chuah ning hitihin a si. Big-Hit Entertaiment nih ngakchia lente ai celh liomi kha an paamhmai sual lai tiah an duh na loin an baan in an va rawt hna nakin ai thawk. Tlangval phun nungak phun pasarih chungtel phu (band) a si i, Jin (vocalist) hi cu khairiat ai kah lio ah an va dawhmi a si. Suga (lead rapper), J-Hope (main dancer, rapper) le RM (an leader pa) hna hi cu vate rap an chiah lioah an va rawtmi hna an si. Jimin, V le Jungkook zong 'leng' an rak i kah lioah khaicek in an lemsoi hna le an i kal pimi hna a si. BTS ticu Bangtan Sonyeondan ti asi le a sullam taktak cu "Bulletproof Boy Scouts," tinak a si. 

Avoikhat nak bik mipi hmai tha tein an rak langh hi, 2013 June thla ahkhan a si le "No More Dream" timi hla in arak si. Vanthat kan ti hnga maw vanchiat kan ti lai dik, Lainu pawl nih an uar tuk hna le cu ni thawk cun vawleipi nih an rak hngalh hna hi a si. Lainu pakhat labang cu, "BTS nih 2018 ah best album of the year (MAMA) ah angah ahcun kai phoih vek buin 'live' ka thlah la a ti tiah an ti," tiah mi pawl nih an timi ka theih. Cukong he pehtlai cun, ramkiphuap bu (UN) zongah Pu Henry Van Thio meeting akainak kha asi an ti. 

"Hikong he pehtlaiin Laikhal tlangval cheukhat zu le sa he ai ciahmi an tam. Ahleimi zong 2018 ah zatuak (34%) bakin akai," tiah Lai Chin Forum Media News nih nizan ahkhan athanh. Cucaah, Laimi vuanci zong nih, "Laimi a simi paoh nih, BTS timi biafang ahmang mi paoh cu Lairam or Laimi sinak in chuah an si lai," tiah athanh ve. 

Nota: Mi nihter ding ah tialmi a si. BTS fans pawl nih ka ngaithiam hna seh. Pumpak in hnursuan duhnak zeihmanh a um lo. (BTS nan uar tuk reng hna le dakaw, kan ngaihchiat tuk khe cuh!)