Love Is Not The Most Important

"Romeo le Juliet kha an i duh tuk hnga maw? Asiloah, an fim lo tuk hnga hme? Dawtnak ruangah zeitindah an nunnak tiang an pek ngam hnga? Zeisizongah, keicu dawtnak ruangah ka hmaikaa ah ai phahmi hling cung ahhin ka kal ngam lo. Rak ka ngaithiam duh hlah!" tiah hnulei chit buin deng (piat) tein aka ti ko. Asinain, ka dirhmun zoh tikah leh ngamnak ralthatnak a um lo. Keimah bantuk zeihmanh a si lomi; ca cawng lo, mi-si-faak, mi hmai zongah chuak ngam lo le zeihmanh a thei lomi pa he hin hei um sihlaw acaah harnak lawngte pei asi ko hnga. 

Minung pawl nihcun, "Duhnak mitcaw," tiah an ti i duhnak ah an nunnak tiang an bungh. Asinain, keimah ca ahcun duhnak hi amit caw lo. Amit a fim. Ahna zong a tha khun. A ruahnak zong akau hlei. Imm, kei ca ahcun dawtnak hi abiapi bik a si lo. Kei ca ahcun, "Dawtmi ai nuamh" ding hi a biapi bik a si ko. A nuammi vawlei ka ser piak khawh lo ruangah, a nungmi ka thinlung cu vawlei ah phum in ai nuamhnak ding lamtu ka sial ko.