Laar Ka Duh Ve

Tukar hrawng facebook kau cu khuaruahhar maktaduai. Laimi minthang vialte; Rung Lian Ceu telhin- naak hmanh in amin ahung thang deuhmi tlangval Hebrew kong cu mi zapi nih theih duh ngai ahung si. Anih amin than ning hi ai phundang ngaite. 2018 Malaysia CND ah thil a cang sualmi kong he pehtlai in, hruaitu upa pawl hna le khuakhangtu sinah pumpak duh lonak langhternak in amin than hram ai thawk. A biafang ah roling ngaimi cu, "Luk ma luk..." zeitindik a si. Mizapi nih an uar. Biachim zong a thiam. Aral zong a tha. Kawlram cozah kong biatak tein a tongh ahcun, live zohtu mipi pawl kan thinlung cu akan laak khawh hringhran ko. Korean K-pop minthang bik BTS nak hmanh in ahung laar hlei. (Keimah zong a biggest fan ka sive). 

Keimah lawng saduh ka that tawn. Hebrew bantukin minthan ka duh ve. Hebrew bantukin ralthat, biachim thiam, chim ngam le live thlah ngam zong hi ka duh. Asinain, Hebrew bantukin laarnak dingah; chuah kaa in ningzah theih lo, calcan, mi vei thiam zong ka hau men lai. Cucaah, ka upa Hebrew tluk cun ka laar kho ti men lai lo.