2018 Fitlaw (Actor) Rum Bik 10

Atu ka rak langhter mi Fitlaw pa-10 hi 2018 ah a rum bikmi an si. An rum lawng siloin, a langsar bik zong a si. Khuaruahhar a simi cu, a rumbik 10 lakah; Bollywood filaw pahnih an i telmi hi a si. Bollywood cu, vawlei cungah asang bik chang, hollywood tang ah a ummi zukcawl vawlei a si. 

Top-10

Sylvester Stallone: Rambo 

Laimi ah Rambo thei locu, compei! Rambo cu- arum bik 10nk ah a um le a ngeihmi zat hi $400 million a si. Kum 71 a si cang. Movie ai thlakmi ah a tha khun ka timi cu, "THE EXPENDABLES" kha a si. 

Top-9

Amitabh Bachchan

Bollywood vawlei ah amin thang bik pakhat a si. Kum 75 tluk a si cang nain, zukcawl ai thla peng ko rih. A ngeihmi zat hi- $425 million bakte a si. Cun, Filmfare Award ah kum cang bik teitu, kum cang bik nominate mi ah le, nominate bikmi tiin record a tialtu zong a si. 

Top-8

Tom Cruise 

Mission Impossible ah lemcang a tuanmi kha a si. Kum 55 tluk a si cang. A ngeihmi zat hi $ 430 million tluk a si. 

Top-7

Robert Downey Jr

Iron man fitlaw, Robert Downey Jr cu a rum bik pa-7 nak ah ngeihzat $ 480 million in a um. 

Top-6

Jackie Chan

Tuchan holh cun, Asian cakei! Kum 63 tluk a si cangmi Jackie Chan cu; ngeihmi zat $490 million he vawlei cung actor rum bik 6nk bak ah a um. A movie ah ka uar bikmi pawl cu; San Wa (The Myth) 2005, Dragon Blade-2015, Railroad Tigers- 2016, The Foreinger- 2017 hna an si. 

https://deepmovie.ch/movie.php?v=165692 Dragon Blade- "Hmet law zoh" 

Top-5

Adam Sandler

Vawlei cung comedian thiam bik si la ka timi si. Pa dawh lo pa dik timi pawl cu hi pawl hi an si. Kum 51 a si i a ngeihmi zat hi, $500 million tluk a si. 

Top-4

Vin Diesel

"Fast and Furious" ah main actor a tuanmi, pa rumra ngei tak kha a si. Kum 50 tluk a si cang. A ngeihmi zat hi- $540.5 million hrawng a si. 

Top-3

Shah rukh Khan

Ka uarbik minung ah ai tel vemi a si. Bollywood-Filmfare award voi tam bik (8) ngahtu a si hlei ah- Bollywood siangpahrang tiah auhmi zong a si. Kum-52 a si cang i, a ngeihmi zat hi- $600 million hrawng a si. "Jab Tak Hai Jaan" na zoh rih locun, rak zoh ve. Na molh phah la, adik tuk! 

https://einthusan.tv/movie/watch/1342/?lang=Hindi "Jab Tak Hai Jaan" zohnak- a website kha tha tukmi si lo le ka ngaithiam ko ne uh! :( 

Top-2

Dwayne Johnson

Laimi nihcun The Rock tiah kan theih deuh lai. Wrestling timi kan theih bakin The Rock cu kan theihmi a si lai dah. Kum- 45 tluk a si ve cang. A ngeihmi zat cu-$650 million hrawng a si. 2017 kum ah, "The highest paid actor" a si. "Baywatch" 2017 i a movie kha na zoh rih locun rak zoh ve.

https://watchonline.sc/movie/baywatch-2017/watching/?ep=6 "Baywatch" zohnak link 

Top-1

Mark Wahlberg

Lone-survivor (2013) ah lemcang a tuanmi kha a si. A ngeihzat hi $680 million bak a si. Akum-46 a si ve cang.