Ai Tongmi Parallel Line

Thlalang-awng tlang hngaoh in khua a cuan. Thlizil nih a choihmi thinghnah ro tete a zuangmi a kut in tlaih khawh ai zuam. A kut in ai hummi thinghnah ro cungah tidor an tla thliahmah. Akut in ahun i tongh hnu lawngah a biang cung mitthli a si a theih. A pawngah a tomi, asam kawng dih cangmi nu, ahmai a rau viar cangmi, der zikziak tein a tomi, thlalang chungin a hmuhmi nih a sining a theihter than. "Vawleipi, ka zaangfah ko sawh! Thih ka duh rih lo. Sau deuh nunnak caan aka pe khotu hotel an um lo maw," tiah atha um ek in a au. A tap tuk nain a mitthli a taang ti lo.

Zaanlei sang nipa le thlangthuat dawp i timh hrawnghrang a si. "Nangmah locun second hnir khat hi vawlei cung um ahar tuk cang lai," tiah zoh bu tein a ti. Thawngpang adai. Thlizil pente a hrangmi le thinlung thawng dah tilo. A dai. Nu pakhat a thianhlimnak thlizil pente nih thinghnah ro tete he a choih. "Kan duh tuk," tiah din tein a aumi minu thawng dah tilo zeizong te adai. 

"A kan then khotu ka kawl lai. Thennak lam ah ka mitcaw,  na rak ka ti pei. Ziahhen, chikkhatte ah an tlau dih kun. Hawidang bantukin velhle a thiammi nu ah nai tel lo tiah kan ruah nain," tiah a chimte lai tiah hi bia ka chim dihin aka ti te lai tiah ka ruah. Nain. "Na ka then ruangah zeitlukin ka ngaihchiat cu na theih ko. We have connection. Asinain, na ka dawt tuk tile kan dawt tuk ticu a fiang ko," tiah hmai panh tein a ka ti. Angaingai ti ahcun, a ka huat awk a si. A thinlung ka khuai bu zongah aka theihthiam rih. 

Mmm. Vawleipi, hitluk aka dawtu dawtmi he na kan then hi na lung tha ko maw? Na ka pekmi thihnak lam hi thennak lam a si lo. Zeitlukindah, aka dawt ti na langhter caah kai lawm. 

Hi hla na ngaih pahin rel...