Laihla Ka Uar Bikmi Fung 5

Na Bia, Alung Bawi sakmi, Khuaitizu nih a phanmi a si. Simple biafang tete he fian khawh fawi ngaiin a tial hlei ah a biafang a tling dih. A sullam nih fungfek huai bang in mi a huai. Ai then cangmi nungak tlangval kar lakah i sian lonak, a zawn ruah pengnak, thlah sian taktak lonak pawl, asinain thlah a hauh cangnak le rak kir seh ti lung chung tein duhnak biathli kha hla in tuanbia a chimtu a si.

Tarpa, Van Biak Lian phanmi le sakmi a si. Laimi nuncan khuasak ning le sining fiang hlang ngaiin a langhter khotu hla a si. Simple tein biafang a hman nain, a tling kho taktak mi a si. Lai hla lakah sullam thuk bik a ngeimi si ti ah ka ruahmi a si. 

Sui Tha Hngel sakmi, Dawtnak Hlantu cu Van Biak Lian phanmi thiamthiam a si. Ka first love hen ai pehtlaih ruang ah maw si hnga zeidik, ka uar bikmi hla ai ai tel peng. Hlasatu zong a thiam. A phantu zong a thiam. A uartu zong ka thiam. A ka uar tertu zong a thiam. A tling dih! Dawtnak hlantu dah ti locun... :( 

Thlizil, Ngun Ceu Cung sakmi Dawt Cung Lian le Uk Lian Thawng nih an phanmi a si.Khuaruahhar a sinak cu minung pahnih nih phanmi ah a biafang le a aw ai dawh khawh ning le ai ruan ning hi amak. Ngaknu pakhat dawtnak kha chikkhatte ah a hrangmi thlizil he a tahchunh i, a caah fahnak i khinh in a dawt pengnak (theihthiamnak a ngeih pengnak) kha hla in a phuanmi a si. A dik teh! :( 

Rose timi hla (A chuak zau lai) lol...