Thlapa Pahnih

Pak Lileng@thawngkhuathang 

Nipa rian dih kaate lawng a si rih nain anak muici nih van a tuam dih cang. "Innleng cu a kik tuk, chuak duh hlah uh!" tiah kedan kai denh lio ah kani nih a hun kan thlauh. Kan chuak! Keimah le ka hawi, chimh a har cem veve mi kan chung ah kan si. Tlawmpal kan kal ah, "Thlapa ai dawh ning khih!" tiah lau taktak in a ka ti. Ka zoh! A kau tukmi van ah fidi pahnih le thlatang a cheu lawng an um. A phone a chuah, a thlak colh! "Mah thlapa le fidi tete hman na thlakmi hi na dl kuat ding maw?" tiah ka hal. A ka let lo. ziah a ka leh hnga lo, asawt hnga maw tiah ka ti la ka ti nain ka aw a chuak kho lo. Ka biang ah tidor nih ka tlak sehlaw, a lo. Ruahpi hmai tla rua tiah ka biang cung ti cu ka hun zulh hnu lawngah ka mit in a luangmi mitthli a si ka hngalh. A ngaingai ti ahcun Fidi zuun in ka tuarnak a sau cang. A hlei-in thlapa a fian khun caan ko ah a zual tawn. Cucu amak mi a si ti lo.

A luancia kum khat ahkhan fak tukin kan rak i duh. Kan zawn kan rak i ruat. "Ka thih tiang kan then lai lo, nangmah lawnglawng kan dawt lai, kan duh tuk, tuk, tuk, tuk!" tiah voi ceilak nolh in a rak ka ti. Cu bia cu a ka then hnu tuni tiang zong ah ka zumh ko.

"Hey! ca kan i kuat lio le kan i chawnh lio ah keimah te lawng minung ah rak ka chia," tiah ka ti tawn. A caan ahcun nungak thiam zong ka puh tawn, (a thiam reng cuh!) Asinain ka cung ah a thin a hung bal lo. Lung dong lo tein a ka tlaih peng ko. A langhlat dawtnak siko nain zeihmanh a chambau lo, a dawtnak nih tling khitkhet (nuam bikin) a ka cawm khawh ko. Nain.

"Thennak ding ah zeihmanh na tuah hau lo. Na duh tuk ruang zongah an then khawh ko".

"Kan si kho ti lo. Distance cu a har tuk! Nangmah zong dl tha tein rak ngei ve. Cun, keimah zong ka rak ngei ve lai. Na sia ka herh ti hlah!" tiah a donghnak bik ca a ka kuat. Leh venak nawl hmanh a ka pe lo. Zeisihmanhah, bia kaa khat tal, kaa khat te tal ka chim kho ve lo maw. Zeihmanh lo pei ka rak si hi. Pa cu si hmanh ninglaw, ngakchia te ka si rih. A ngaingai ti ahcun, duh hmanh amah he kan itheih hnu lawngah a thiammi ka si. Hi zuun hi, zeitin ka tuar khawh kun lai? Biafang tampi chimh ding ka ngeih. Hal ding zong tampi a um. Asinain, caan pek ka si lo.

Fidi nih thlapa pahnih a ngei. Pathian nih a sermi thlapa le keimah, 

Imm, atu tiang thlapa ka hmuh paoh ah kan ngaih hi a mak lo. Thlapa ah a rak ka ser i thlapa um lonak vawlei ah ai thialmi Fidi (nangmah) loin tuni tiang ka um khawhmi dah ti lo...