Ka Duh Bik Lai Blogs Le Websites Pawl

Chinmi hi carel kan huam lo ngai nain catial tu cu karhcho ngaite a si ve. Blogs le websites fa tete zong a karh ngaingai. Kan thangcho tinak. Asinain, rel awk tlak ngaingai blogs le websites cu a tlawmte rih. A tang lei ka rak langhter mi blogs le websites cheukhat hi keimah nih rel awk an tlak ka timi le ka uar bikmi pawl an si.

01: http://hlawntin.com/  Hlawn Tin Iang, catial thiam Perhkalh fanu a si. Norway ram ah khua a sa. Chan thar hoih in tawi tete in fiang ngai in ca a tial hlei ah a website a thiang. Khual tlawnnak kong theihtlei le a dang ca bia tampi zong hmuh khawh an si. Hmanthlak tete (ca bia ah) a telhmi nih a dikter deuh khun. 

02: http://biahalpangpa.blogspot.com.au/ Sang Bawi, US ah khua sami a si. Mino te a si nain thuk ngai in ca a tial khomi a si. Cauk zong ai chuah balmi a si. A blog ah ca bia phunphun, ramkhel kong le a dangdang tampi rel khawh a si. Bia-alnak a tialmi pawl ko an mak! 

03: http://teirialcatialtu.blogspot.com.au/ Si Bawi Mang Lian, Norway ummi thiam a si. Europe lei pawl hi ca tial an thiam khun rua ti awk in. Laimi ah blog ngei hmaisa pawl a si lai dah tiah ka ruah (?) A blog ah cabia phunphun, zaanglek, ramkhel, US kong, Israel kong, Nuclear hriamnam kong heitibantuk, North Korea kong te pawl... le a dangdang theihtlei tampi rel awk a um. Theih kauh na duh ahcun rak leng ve hrimhrim. 

04: http://www.chinitfree.com/ Dennis Ram Peng Thang a si. Chin Cherry group le Chin Mobile Group sertu zong a si. A website ah IT lei kong theihtlei tampi a um. IT lei fim thiamnak kauh chap na duh ahcun rak leng ve.

A cung lei ah ka langhter ning (number pekmi) hi, a thiam khun tinak a si lo. An dih lakin an sining cio ah ka uar bikmi an si. Carel cu fimnak a si. Fimnak na duh ahcun rak leng ve hrimhrim hna.