Dipa Mitthli

Pak Lileng@thawngkhuathang

Ruah siamsiam in a sur ruang ah a si men lai. Ngaihnak nih thinlung a hnur detmat. Ruah a duh. Ruah a sur caan ah vai chawh a duh. 

A luan cia kum hnih lio ah faak tukin rak duhmi ngaknu, i then ko hnu zong ah philh ding cun a har. Dawtnak hi thentu tampi a um. Asinain, i duh ko buin thentu um tlukin a faakmi cu a um hnga maw? 

Minung pawl hi dawtnak timi an ngei ti lo maw? This is 2017, dawtnak a um ti lo. Cuvebantukin khenkhamnak timi zong a um ti lo ding a si ko. Asinain, tuah khawhnak zeihmanh ngeih lonak hmun ah thil sining nih a molh termi minung si ve hrat cun zeibantuk hmanh a tuar zia thiam hau ko lo maw? A dawtnak pawl, a aw neem tete pawl, ai hnaohnak aw pawl, a selfie hmanthlak tete pawl, ka dong kho ti hna lo maw, huh?

A tlai ngai cang. Zinglei suimilam 2:30 a.m. tluk a si cang nain hngilh loin cakuat ka hngak rih! Palhnak i theih loin i hlat ka duh lo. Zeihmanh chim loin hlat a ka timmi nu tlukin ka huatmi a um lo. A theih ko buin ka cung ah a tuahmi cu ka ngaithiam kho lo. Asinain, caan a liam vima sin cakuat dong loin huatnak tu ai chap chinchin. Ca a tomtom ka kuat, asinain (no reply).

Thih bak ka duh! Vawlei hi chikkhatte hngilh taak ka duh nain vawlei nih ka duhnak a ka zul fawn lo. "A faak tuk," tiah taang cumh in fahnak hnemh len zong ah a tlau hlei lo.

Hmm, caan a liam fawi ve hrim. Tukum dipa in cun dawtmi he kan i ton lonak kum hnih pei a ti ve cang lai hi!

Nota: Nu le pa hna nan fa le dawtnak ah khenkham hna hlah uh! :(