Caw Congtu Pa Le Siangpahrang Fanu Kong

A hlanah ram ramkhat ah siangpahrang pakhat a rak um. Mah siangpahrang nihcun fanu pahnih a ngeih hna. Siangpahrang fanu le cu an chuah kaa tein khuaruahhar thil an i chuah pi. An ttah fatin an mitthli hi "Sui" a si. 

Nikhat cu an unau pahnih tein va an ngei tti. A unu va cu bawiphun a si. Asinain anau nu va bal cu caw congmi, sifaak fate khi a si.

Cuticun caan a hung liam lengmang i va an ngeihnak kumthum tluk a ti cang. Cutikah an pa nih a fanu le an sican ning hmuh le theih a duh hna caah le a ngaih tuk hna caah rak ka tlawng uh tiah a auh hna. A unu, upa deuhte chung cu a hlannak let thongzaa in an rum i an sican ning a ttha. Sihmanhsehlaw a naunu, ngakchia deuhte chung bal an har hringhran. Ei cawp nun cawpin an icawm. Cutikah an pa siangpahrang pa a khuaruah ahar ngamsam. Cutikah tihin bia a hal.

"Ziah! cawcong pate na nupi hi a ttah fatin sui a tomtom a chuak komi, zeiruangahdah mahtluk hin nan sifah i nan sican ning a chiat?" tiah a hal. Cutikah caw cong pate nih a lehmi cu, "Siangpahrang pa, a si. Na chimmi a hman. Asinain ka dawttukmi a mitthli dor khat tlak i mirum cem si naakin nifatin a mirh fangkhat te hmuh in a har bikin nun hi ka duhdeuh," tiah a ti.

Siangpahrang pa nih caw congtu pa thinlung le bia lehnak cu a duh tuk i a singpahrang sinak thutdan le a ram vialte uktu si ding ah nawl a pek. Cuvial le engza le mama cang buh!

Nota: Kawl tuanbia tawi lehmi