Umnak Ngeilo (Homeless) Kan Si Naak Hnga Lo...
![Image result for homeless](https://vancouver.ca/images/cov/feature/homelessness-action-week-facebook.jpg)
"Australia ah umnak ngei lomi hi minung 105237 tluk hrawng an um," tiah Australia umnak ngei lomi hna caah riantuantu website pakhat nih a tial. Hi chungah hin, nu nakin pa hi zatuak 12% in an tam deuh. Zeiruang bik ahdah umnak ngei lo dirhmun an chuah tiah cun;
Graph-1
Inn ngeilo dirhmun an phaknak a ruang
|
Zatuak
|
Tangka chambau, harsatnak ruangah (Bill man pawl asiloah rian ngeih lo tibantuk)
|
51%
|
Chungkhar buaibainak (i tuk velhnak) le nu le va karlak rem lonak ruangah
|
33%
|
Ngandam lonak ruangah
|
3%
|
A dangdang (zu, gambling, ...)
|
14%
|
A cunglei graph-1 ah zatuak tam bik pahnih cu, phaisa chambau ruang (rian ngeih lo) le innchungkhar buainak hi a si ko. Cucu Chinmi nih kan ton bikmi zong a si fawn. Cucaah, mi phun dang ram kan um tikah, an holh le an ca zong cheu khat cu kan thiam kho ti hna lo. Kan i ruah ning he ikalh in ram nih lungrawhnak (depression), lungthin phurhritnak pawl (stresses) le lungretheihnak (anxiety) tam tuk a kan pek. Cutikah, a cheu khat cu lungdongh in kan i la i zu le sa kan ei hlei ah innchungkhar buainak, nupi le fale cungah kut thlaknak kan tuah theo tawn. Cu he ai neih ngaimi cu umnak ngeih loin vah a si. Asinain, thathut lo tein teimaknak he riantuan khawh kan izuam tu ahcun umnak ngei lo dirhmun in luat khawh a kan bawmh hlei ah ai nuammi innchungkhar zong kan ser khawh lai.
Graph-2
An kum
|
Zatuak
|
A zat
|
Under 12
|
17%
|
17845
|
12-18
|
10%
|
10913
|
19-24
|
15%
|
15325
|
25-34
|
18%
|
19312
|
35-44
|
14%
|
14484
|
45-54
|
12%
|
12507
|
55-64
|
8%
|
8649
|
65-74
|
4%
|
4174
|
75 and over
|
2%
|
2028
|
Graph-2 kan zoh ahcun upa nakin ngaichia a let in an tam (karh). Cucaah, kanmah kan fale cio zong zohkhenh kan thiam hna lo sicun, lam kam ah an vak ve sual lai ti phan a um hringhran. Cucaah, innchungkhar buaibainak tuah sertu (zu, ziachiatnak, khurkhua ruah thiam lonak, thin tawinak), fa le te cawnpiaknak caah caan pek khawh lonak, thathutnak (riantuan huam lonak) tibantuk kan ngeih lo a hau. Cuti kan tuah ahcun, ai nuammi innchungkhar kan ngei ko lai.
Note: Laimi zong umnak ngei loin a vaimi an um len ve cang.
ref: www/homelessnessaustralia.org.au
Comments
Post a Comment