Siam Cakuat 2nk

Pak Lileng@thawngkhuathang

Thei kho law, hmu thiam law, kan dawtnak cu

Teitu an um hnga lo.

Faak tukin kan duh nain ruahchannak a keng chih lo

Thuk tukin kan dawt nain ngaihchiatnak a zawi chih lo

Nang nihcun,

Ruahchannak he na sinah ka ra na ti

Na ke hramah kutdok ka si na hngal lo.

Nang nihcun,

Ngaihchiatnak zawitu ah ka ra na ti

Na phanah tangah kai benh na hngal lo.

Mui zohnak amui

Thinlung (dawtnak) ah ka rum tuk!

Uan thlaar awk an tlak rua lo, nain!

A le B bantukin neihte ah kan um nain

Kan zulh lam ai dang tuk

Pelep pakhat lawng a um lonak pangpar dum ah

Thazaang der ngai ka si

An tlaantu pelep thong kar lak ah i tenh kho ding in

Chiatserh rak si lo cun

A langhlat lawngin kan cuan.

Thlapa puan hal bang

Van zohin ka hal, fidi cu

Thlak ka si tung lo ahcun

Tingtang i tum dah ti ko lo cun

Ka mirh kho lai lo.

Kan ngai tuk lai, tuk manh cang

Kan hlam tuk lai, tuk manh cang

Hawikom bantukin um ding, hruhnak sii bang din ding na ka fial

Kan dawtnak ah ka hruh cang tung

Kan ngaihnak ah ka molh cang tung

Ka that!