The Saddest Lines

The Saddest Lines

(Pak Lileng)

Thlizil sin panh siarmaar te'n a mirhmi thlapa

Na ttangnem te ah ka beek.

Ahlanahcun,

Duh ka rak nung.

Ka dawt bikmi saisi zong nih arak ka dawt

Va bang thlengkhat te ah tthu in

Bia zong zaa

Hla zong zaa

Dawtnak bia in hlawi cawk lo

Nuamhnak hla nih zawi cawk lo.

Atu ahcun vawlei in tlau

Harnak vialte hngilh taak ka duh!

Mitthli nih fahnak a thianh khawh dih lo tikah.

Dawtmi

Ttang dang cung na pom hnucun

Liam ko law,

Ka philh cang law

Nuam te'n

Lunglawm te'n

Lung awi te'n

Na merem cang sehlaw

Inuam tuk cang law tiah

Ka chantling kup in ka ttap.

Ruah asur locun innleng ka chuak ngam lo

Ka mitthli hmuh ding kan siang lo

Hmuhpiak zong ka silo

Ahohmanh a ka theithiamtu an um lo.

Ka thinlung cu arop thluahmah

lachon bang fawi te'n thli nih achoih

Hmuh khawh lo ahlat biknak hmunah.

Acaan cun zaan lawngte siseh ti ka duh.

Ka mang kan hmuh caan ah kai tthang siang lo.

Fek te'n ka kuhmi ka dawt nang cu ka puan ah naa cang tthan tawn.

Na kut neem te tlaih kan cim ri lo

Na dawtnak bia kai zaa ri lo.

Thli a hraan fatin kan ngai lai tiah ka rak ruat lo!

Hitlukin kan duh hnga ding zong ka rak thei lo!