Diary Fate

Pak Lileng (Thawng Khua Thang)

Acheu an ikup, acheu an kut an itlai, i a cheu cu hmur seh an cawng.

"Fuum tein kan ngai thliahmah".

"100% ah 120% kan zum loh! Mi pakhat kan duh hna cun kan tuahsernak in kan langhter-awk silo maw? Ka caah zumhtlaak taktak na silo, na si hrimhrim lo. Nang cu ka hawi pakhat na sinaak pi'n kan hleiter kho lo" tiah azeihmanh poi lo bakin aka timi hi, ka zum kho lo.

"Kan duh tuk, Iang! Mahtluk sau kan ikom cang i ka sining zong theih tawk cu na ka theih ve ko cang. Ziahdah na ka cohlan khawh lo?

Ka kut maw ai tawisau, ka ke dah ai chinfual. Atu ka thlawchuah hi kaa lungsak ko dakaw! Asiloah

duhmi dang hme na ngeih?" ti pin leengah, ai khat lomi biahalnak zong tampi chap ding ka ngei rih. Nain...

A mitau in kaan theih ko! Na ka duh loh kan ti kho lai lo. Kum-3 fai kan duhnak si cang. Na caah zeihmanh tuah aa harh lotu ka si na theih! An daw biktu ka si zong na hngalh! Cun hrut lakin an duhtu ka si zong... na fiang tuk ko.

Takah!!!

Tu kum sweet december cun dawtmi he kan i ton lonak kum-3 pei ticang lai hi...