Dawtnak Deu

(Pak Lileng) 

         Tuzaan, zaan dang nakin a ceu khunmi a lo. A thiangmi vankil ah fidi runrual an i ceer hna. A ho van hai loin a thianghlim mi thlapa zoh ahkhin lungdam tuk ding khi a si. Cun zaan zong a king, an thla pahnihi in ai khupmi va tete ko hngar an um meisei. Culio, thlataang pa bal amah pi lawng, aho nun tel i hrawm ve ding ti awk ngei lokhin cer zeengzuang khin a laifang ah ai merhel len. Cusin, a ho zuun hme tlem hnga tiawk-in Thawng Thawng mithmai le nu nah tlataang pa nun ko a hluan.

 Nang tel loin A thiang tukmi van kil tangah Mithmai a panh kho lo .

        "Zeitlukhmanhin in duh ning law kan ngaithiam kho lo. Kan duh naisai tilo. Zeihmanh hi na tuh bantukin na zuun lai ti siko ina zuun ve awk a si ko. Hlan ina ka tuahto ning, na caah zeitlukin kai pekchanh hmanh izei na ka rel lo ning, na caah ka intuarnak vialte ka mitthli vialte na ka cham ding hrimhrim a si. Nai chir leen zongah saantlai ti lo, tuar ko," tiah Thawng bia nih Sonya mitthli duldul in a tlakter.

        "Thawng ka ngaithiam. Kan duh tuk, tam tuk hi ka palh. Ngaihthiam awk tlak lo minung, hnawl ding menmen khi ka siko. Nain Thawng na locun nun ka huam lo. Na ka duh ti lo ding naak chacun ka that. Silocun, rak ka ngaithiam ko mu."

      Thawng Thawng acelh ve lo. Asinain fahnak tam tuk a petu nu pakhat caah a mitthli tlakter ding a siang lo.

      "Kan ngaithiam kho lo. Ka tuar tluk tein a tuar ve hrimhrim lawngah kai lungsak lai. Ni khatkhat cun keimah bantukin na um vete ko lai."

         "Sonya, mahtluk sau zong kan ikom cang nain voikhat te hmanh na sinah ka chim bal lomi bia fang kai fim. Ka chim lai ina thinhun lo ka zumh! Cun fawite in biakhiak hlah law ka duh, ttha tein nai ruah hnu ah rak ka phi law ka duh ko."

"Ka pu, zeiko hme mahtluk tangdor le ihnem ngai cun chim ding na ka ngeih. Chim hlah kan ti sual la, zeitin! zei bia ko hen si, na duh ning tein ta siko lai".

 "Sonya, kan duh tuk! Biafang hna nihhin hmual an ngeih ka zumh. Ka thinlung chungin a chuakmi si caah Sonya. Cun mahtluk sau kan ikom cang ika sining cu na theih dih cang ko, na ka hmuh bantuk hi ka siko. Na ka cohlang kho ve hnga maw? Cun ka theih, nu caah cun duhdawtnak hi nan nunnak bantuk a si tihi, mah caah cun iruat khitkhet tein rak ka let kan tinaak cu si. Kan duh bak, cun zungzaal na caah zumhawktlak ka si hrimhrim lai. Na ka duh ve maw, Sonya?"

"Silo Thawng, hi kong cu chim ka huam lo, ngaih ka ttih bikmi si. Hipin na chim sicun ka chawn ti hlah. Hawikom zong si tihlah ko usih!"

        Zeiruangahdah, Sonya nih zei bia hmet let loin mah tihin aka leh hnga?

         Caan hi a liam fawi ve hrim. Sonya he kan ipehtlaih ti lonak thla thum pei ti cang ko hi.

     "Hello! na dam maw Sonya?" "Ka dam hi ka pu, nangteh?" "Imm dam ko, ka cakuat na ka leh ika lawm". "Kei zong na ka chawnh ika lawm tuk ve".

       Nu pawl ngai hi an lungfaknak um, siloah an ngaihchiat caan tibantuk ihnemtu an ngeih lo lio caan tibantuk pawl ian lung a hei no ning. Atuarzia an thiam lo ning, an ral a hei tthat ning le an ngamh hei saan ve ning. An zawhmi lam an hei theih ve lo ning ngai hi.

          Asinain, mah vialte le Sonya bialehnak cu ai pehtlaimi asi lo. A ngaingai ti ahcun, "If there's a will, there's a way" ti asi ko.

 "Thawng ka ngaihchia tuk!"

"Sonya, Thawng na ka ti, kai lawmh ning cu a thlum tuk! ( Sonya he kum-3 kan ikom cang iThawng tiah voikhatnak aka auh hmasat cem si ).

 Zeidah cang Sonya, timin na na dam lo maw! rak ka chim mu, bawmh khawh kan zuam lai cu hmmm? "

"Imm Thawng, ka ngaihchia tuk, na ka daw maw?" zei bia hmanh to peh tilo.

"Sonya, zeitlukindah kan duh ticu nangmah nih nih theih bik ko lai cu ta, hohmanh nih in hnawl hnaseh law kei nihcun kan hnawl hlei lai lo .. Nangmah lawng right duh, duh right dawt tuk Sonya, na ngaihchia hlah muh Na pawngte ah right! "

 Hi biafang Sonya hea thinlung ai khat lai ticu ka rake ruat lo nain.

 "Thawng kei zong ya ya duh tuk ve, right dawt tuk ve. Na ka dawt caah ka lawm."

"Asinain Sonya sinin kan duh tuk timi biafang ka theihmi cu, atak dawtnak a so ti lo Ka lungthlitum tlinnak ding-ah lamsialtu tu an rak si diam cang ai ...

Nota: August 5, 2014